wahi zamin wahi sar pe aasman nikla

vahī zamīn vahī sar pe āsmāñ niklā

safar ke paar bhī ik dasht-e-rā.egāñ niklā

jo is ko dekhā to tasvīr ban ga.iiñ āñkheñ

ye jāgtā huā pal ḳhvāb-e-be-karāñ niklā

ravāñ the ham to safar par charāġh-e-hosh liye

magar sabāt-e-jahāñ kār-e-nā-gahāñ niklā

uḌī qabā-e-sikandar ġhubār-e-nisyāñ meñ

tulū-e-sāġhar-e-jam shola-e-gumāñ niklā

kahīñ thā shor-e-takallum kahīñ thī ḳhāmoshī

jo ham-kalām thā ham se vo darmiyāñ niklā

use chhuā to vo gum ho gayā havā kī tarah

ajab nazāra thā zāhir meñ bhī nihāñ niklā

fusūn-e-ishq qimār-e-havas-garī Thahrā

tamām giryā-e-jāñ zeb-e-dāstāñ niklā

kahīñ hai dasht-e-halākat kahīñ hai hairānī

tirī talāsh meñ ye rāsta kahāñ niklā

bas ik galīm-e-suḳhan dosh-e-umr thī 'sarmad'

usī ke tār-e-shikasta se la.al-e-jāñ niklā

wahi zamin wahi sar pe aasman nikla

safar ke par bhi ek dasht-e-raegan nikla

jo is ko dekha to taswir ban gain aankhen

ye jagta hua pal KHwab-e-be-karan nikla

rawan the hum to safar par charagh-e-hosh liye

magar sabaat-e-jahan kar-e-na-gahan nikla

uDi qaba-e-sikandar ghubar-e-nisyan mein

tulu-e-saghar-e-jam shola-e-guman nikla

kahin tha shor-e-takallum kahin thi KHamoshi

jo ham-kalam tha hum se wo darmiyan nikla

use chhua to wo gum ho gaya hawa ki tarah

ajab nazara tha zahir mein bhi nihan nikla

fusun-e-ishq qimar-e-hawas-gari Thahra

tamam girya-e-jaan zeb-e-dastan nikla

kahin hai dasht-e-halakat kahin hai hairani

teri talash mein ye rasta kahan nikla

bas ek galim-e-suKHan dosh-e-umr thi 'sarmad'

usi ke tar-e-shikasta se lal-e-jaan nikla