wahin se had mili hai ja pahunchta ku-e-jaanan tak

vahīñ se had milī hai jā pahuñchtā kū-e-jānāñ tak

rasā.ī sāliko jab aql kar le hadd-e-imkāñ tak

junūñ meñ dast-e-lāġhar kā hai qabza us bayābāñ tak

jahāñ sau manzileñ paḌtī haiñ dāman se garebāñ tak

mire dast-e-junūñ kā zor aur phir zor bhī kaisā

ki hamrāh-e-garebāñ khīñche laatā hai rag-e-jāñ tak

tumheñ to khel thā nazreñ milā kar muñh chhupā lenā

yahāñ nashtar hazāroñ ruk ga.e aa kar rag-e-jāñ tak

kafan meñ koī dekhe aaj un hāthoñ kī majbūrī

rahā karte the gardish meñ jo dāman se garebāñ tak

wahin se had mili hai ja pahunchta ku-e-jaanan tak

rasai saliko jab aql kar le hadd-e-imkan tak

junun mein dast-e-laghar ka hai qabza us bayaban tak

jahan sau manzilen paDti hain daman se gareban tak

mere dast-e-junun ka zor aur phir zor bhi kaisa

ki hamrah-e-gareban khinche lata hai rag-e-jaan tak

tumhein to khel tha nazren mila kar munh chhupa lena

yahan nashtar hazaron ruk gae aa kar rag-e-jaan tak

kafan mein koi dekhe aaj un hathon ki majburi

raha karte the gardish mein jo daman se gareban tak