wahshat ko sana chhupae rakhna

vahshat ko 'sanā' chhupā.e rakhnā

dastār-o-qabā sajā.e rakhnā

dīvāne hī tere jānte haiñ

sahrāoñ ko bhī basā.e rakhnā

āñkhoñ ke sitāre ruup kā chāñd

ye saare diye jalā.e rakhnā

sāñsoñ kī mahak badan kī ḳhushbū

hoñToñ ke kañval khilā.e rakhnā

palkoñ kī ye chhāñv ruup kī dhuup

māthe kī sahar jagā.e rakhnā

kuchh garm havā.eñ chal rahī haiñ

zulfoñ kī ghaTā chhupā.e rakhnā

uljhā huuñ abhī ġham-e-jahāñ meñ

bātoñ meñ use lagā.e rakhnā

wahshat ko 'sana' chhupae rakhna

dastar-o-qaba sajae rakhna

diwane hi tere jaante hain

sahraon ko bhi basae rakhna

aankhon ke sitare rup ka chand

ye sare diye jalae rakhna

sanson ki mahak badan ki KHushbu

honTon ke kanwal khilae rakhna

palkon ki ye chhanw rup ki dhup

mathe ki sahar jagae rakhna

kuchh garm hawaen chal rahi hain

zulfon ki ghaTa chhupae rakhna

uljha hun abhi gham-e-jahan mein

baaton mein use lagae rakhna