wajud-e-dil ke darwazon ki kunji kaun rakhta hai

vajūd-e-dil ke darvāzoñ kī kunjī kaun rakhtā hai

faqīroñ ke barābar ganj-e-maḳhfī kaun rakhtā hai

vahāñ pahuñchā diyā hai mujh ko añgusht-e-tafakkur ne

jahāñ mere sivā yād-e-ilāhī kaun rakhtā hai

ye qatra kaun hai ye naqsh-e-uryāñ biij hai kis kā

badan meñ sañg-e-buniyād-e-ma.ānī kaun rakhtā hai

jalā kar ḳhair ashyā ko tanūr-e-chashm-e-hastī meñ

nazar koī baqā par itnī gahrī kaun rakhtā hai

lahū sahbā badan mīnā-e-ḳhākī ban gayā 'kāvish'

zarā dekho to yuuñ faizān-e-sāqī kaun rakhtā hai

wajud-e-dil ke darwazon ki kunji kaun rakhta hai

faqiron ke barabar ganj-e-maKHfi kaun rakhta hai

wahan pahuncha diya hai mujh ko angusht-e-tafakkur ne

jahan mere siwa yaad-e-ilahi kaun rakhta hai

ye qatra kaun hai ye naqsh-e-uryan bij hai kis ka

badan mein sang-e-buniyaad-e-maani kaun rakhta hai

jala kar KHair ashya ko tanur-e-chashm-e-hasti mein

nazar koi baqa par itni gahri kaun rakhta hai

lahu sahba badan mina-e-KHaki ban gaya 'kawish'

zara dekho to yun faizan-e-saqi kaun rakhta hai