wajud ka inhisar go KHak par nahin tha

vajūd kā inhisār go ḳhaak par nahīñ thā

magar maiñ apnī zamīñ se be-ḳhabar nahīñ thā

ajab tarah kā tilism thā is mafāriqat meñ

badan laraztā thā aur āñkhoñ meñ Dar nahīñ thā

lahū se maiñ ne diye kī lau sarfarāz rakkhī

vahāñ jahāñ par havāoñ kā bhī guzar nahīñ thā

magar bahut der baad jā kar ḳhabar huī thī

vo mere hamrāh thā mirā ham-safar nahīñ thā

so maiñ ne āḳhir laraztā pattā hadaf banāyā

ki vo parinda to aaj bhī shāḳh par nahīñ thā

wajud ka inhisar go KHak par nahin tha

magar main apni zamin se be-KHabar nahin tha

ajab tarah ka tilism tha is mafariqat mein

badan larazta tha aur aankhon mein Dar nahin tha

lahu se main ne diye ki lau sarfaraaz rakkhi

wahan jahan par hawaon ka bhi guzar nahin tha

magar bahut der baad ja kar KHabar hui thi

wo mere hamrah tha mera ham-safar nahin tha

so main ne aaKHir larazta patta hadaf banaya

ki wo parinda to aaj bhi shaKH par nahin tha