waqt abhi paida na hua tha tum bhi raaz mein the

vaqt abhī paidā na huā thā tum bhī raaz meñ the

ek shikasta sannāTā thā ham āġhāz meñ the

un se pyaar kiyā jin par ḳhāmoshī nāzil kī

un par zulm kiyā jo band apnī āvāz meñ the

har qaidī par āzādī kī had jaarī kar dī

hoñToñ kā ejaaz hue jo naġhme saaz meñ the

habs thā koī sub.h farozāñ hone vaalī thī

shaam qadam-bosī par thī saa.e parvāz meñ the

jis ne ḳhuun meñ ġhusl kiyā aur aag meñ raqs kiyā

haif ki saare hañgāme us ke ezaaz meñ the

waqt abhi paida na hua tha tum bhi raaz mein the

ek shikasta sannaTa tha hum aaghaz mein the

un se pyar kiya jin par KHamoshi nazil ki

un par zulm kiya jo band apni aawaz mein the

har qaidi par aazadi ki had jari kar di

honTon ka ejaz hue jo naghme saz mein the

habs tha koi subh farozan hone wali thi

sham qadam-bosi par thi sae parwaz mein the

jis ne KHun mein ghusl kiya aur aag mein raqs kiya

haif ki sare hangame us ke ezaz mein the