waqt-e-mushkil mein bhi honTon par hansi achchhi lagi

vaqt-e-mushkil meñ bhī hoñToñ par hañsī achchhī lagī

mere ḳhāliq ko mirī ye bandagī achchhī lagī

Dho rahā thā bas yūñhī maiñ aaj tak apnā vujūd

tum se mil kar mujh ko apnī zindagī achchhī lagī

bas lihāzan pheñk kar cigarette kināre ho gayā

mujh ko nasl-e-nau kī ye sharmindagī achchhī lagī

lab tumhāre miir kī us pankhuḌī ke misl haiñ

is liye mujh ko merī tishna-labī achchhī lagī

ḳhuun ke rishte hue jab bhī kabhī nazr-e-anā

bhaa.ī ko mahfil meñ bhaa.ī kī kamī achchhī lagī

sūrat-o-sīrat kā vo itnā hasīñ thā imtizāj

ahl-e-dānish ko mirī dīvāngī achchhī lagī

chand urdu lafz bhī shāmil the jumloñ meñ tire

is liye 'shārib' unheñ bolī tirī achchhī lagī

waqt-e-mushkil mein bhi honTon par hansi achchhi lagi

mere KHaliq ko meri ye bandagi achchhi lagi

Dho raha tha bas yunhi main aaj tak apna wujud

tum se mil kar mujh ko apni zindagi achchhi lagi

bas lihazan phenk kar cigarette kinare ho gaya

mujh ko nasl-e-nau ki ye sharmindagi achchhi lagi

lab tumhaare mir ki us pankhuDi ke misl hain

is liye mujh ko meri tishna-labi achchhi lagi

KHun ke rishte hue jab bhi kabhi nazr-e-ana

bhai ko mahfil mein bhai ki kami achchhi lagi

surat-o-sirat ka wo itna hasin tha imtizaj

ahl-e-danish ko meri diwangi achchhi lagi

chand urdu lafz bhi shamil the jumlon mein tere

is liye 'shaarib' unhen boli teri achchhi lagi