waqt ka aap bhi har haal mein pichha kije

vaqt kā aap bhī har haal meñ pīchhā kiije

varna baiThe hue taqdīr ko kosā kiije

aap alfāz ke ḳhanjar ko na pheñkā kiije

dil pe kyā guzregī ye bhī zarā sochā kiije

jab bhī pechīda guzargāhoñ se guzrā kiije

kis tarah log badal jaate haiñ dekhā kiije

apnī barbād mohabbat kā na charchā kiije

ḳhud ko duniyā kī nigāhoñ meñ na rusvā kiije

apne siine se usūloñ ko lagā.e rakhiye

haañ zamāne ke taqāzoñ ko bhī samjhā kiije

zindagī chain se guzregī yaqīnan ai 'ziyā'

pahle jiine kā salīqa bhī to sīkhā kiije

waqt ka aap bhi har haal mein pichha kije

warna baiThe hue taqdir ko kosa kije

aap alfaz ke KHanjar ko na phenka kije

dil pe kya guzregi ye bhi zara socha kije

jab bhi pechida guzargahon se guzra kije

kis tarah log badal jate hain dekha kije

apni barbaad mohabbat ka na charcha kije

KHud ko duniya ki nigahon mein na ruswa kije

apne sine se usulon ko lagae rakhiye

han zamane ke taqazon ko bhi samjha kije

zindagi chain se guzregi yaqinan ai 'ziya'

pahle jine ka saliqa bhi to sikha kije