waqt ke kan kaun bhar raha hai

vaqt ke kaan kaun bhar rahā hai

vaqt vaise bhī to guzar rahā hai

saal do chaar pīchhe ho ga.e haiñ

aa.ina dekh kar sañvar rahā hai

kaun rahtā hai paar dariyā ke

ye jo paanī hai kyoñ biphar rahā hai

ye udāsī bhī be-sabab to nahīñ

dil kisī justujū meñ mar rahā hai

thaam kar haath merā hāthoñ meñ

baat be-bāt kyoñ mukar rahā hai

duur hī rahiye dūr-tar rahiye

aap se kaun baat kar rahā hai

merā saaya bhī mere saath nahīñ

kyā koī merā ham-safar rahā hai

kitne baune hue haiñ vo sābit

ḳhabt jin kā hamāre sar rahā hai

ek vahshat kā baab ḳhatm huā

ek nashsha thā jo utar rahā hai

waqt ke kan kaun bhar raha hai

waqt waise bhi to guzar raha hai

sal do chaar pichhe ho gae hain

aaina dekh kar sanwar raha hai

kaun rahta hai par dariya ke

ye jo pani hai kyon biphar raha hai

ye udasi bhi be-sabab to nahin

dil kisi justuju mein mar raha hai

tham kar hath mera hathon mein

baat be-baat kyon mukar raha hai

dur hi rahiye dur-tar rahiye

aap se kaun baat kar raha hai

mera saya bhi mere sath nahin

kya koi mera ham-safar raha hai

kitne baune hue hain wo sabit

KHabt jin ka hamare sar raha hai

ek wahshat ka bab KHatm hua

ek nashsha tha jo utar raha hai