waqt ki rau ko rawani se nikala jae

vaqt kī rau ko ravānī se nikālā jaa.e

chand lamhoñ ko girānī se nikālā jaa.e

mujh ko to khīñch liyā dast-e-junūñ ne lekin

ab mirā 'aks bhī paanī se nikālā jaa.e

muddatoñ us kī raqābat ko sahā hai ham ne

ab ye kirdār kahānī se nikālā jaa.e

zahr-ālūd huī jaatī hai ḳhushbū is se

saañp ko raat kī raanī se nikālā jaa.e

phir huā lashkar-e-fir'aun muqābil 'faisal'

rāsta phir koī paanī se nikālā jaa.e

waqt ki rau ko rawani se nikala jae

chand lamhon ko girani se nikala jae

mujh ko to khinch liya dast-e-junun ne lekin

ab mera 'aks bhi pani se nikala jae

muddaton us ki raqabat ko saha hai hum ne

ab ye kirdar kahani se nikala jae

zahr-alud hui jati hai KHushbu is se

sanp ko raat ki rani se nikala jae

phir hua lashkar-e-fir'aun muqabil 'faisal'

rasta phir koi pani se nikala jae