waqt uDne ka hai girwi baal-o-par kyunkar rakhen

vaqt uḌne kā hai girvī bāl-o-par kyūñkar rakheñ

ham haiñ fitrat se musāfir koī ghar kyūñkar rakheñ

jab zarūrat thī kisī shāne kī ham ko na milā

ab milā to sochte haiñ us pe sar kyūñkar rakheñ

vaqt ḳhud ik rāhzan hai zindagī kī raah meñ

paas apne ishq sā la.al-o-gohar kyūñkar rakheñ

jab talak hai saañs ham ko zaḳhm khāne aur haiñ

ek ġham kī yaad meñ phir chashm-e-tar kyūñkar rakheñ

tujh ko pā leñ yā ki kho deñ hai ziyāñ donoñ tarah

phir bhalā ai jān-e-jāñ terī ḳhabar kyūñkar rakheñ

waqt uDne ka hai girwi baal-o-par kyunkar rakhen

hum hain fitrat se musafir koi ghar kyunkar rakhen

jab zarurat thi kisi shane ki hum ko na mila

ab mila to sochte hain us pe sar kyunkar rakhen

waqt KHud ek rahzan hai zindagi ki rah mein

pas apne ishq sa lal-o-gohar kyunkar rakhen

jab talak hai sans hum ko zaKHm khane aur hain

ek gham ki yaad mein phir chashm-e-tar kyunkar rakhen

tujh ko pa len ya ki kho den hai ziyan donon tarah

phir bhala ai jaan-e-jaan teri KHabar kyunkar rakhen