waraq hai mere sahife ka aasman kya hai
varaq hai mere sahīfe kā āsmāñ kyā hai
rahā ye chāñd to shāyad tumhārā chehrā hai
jo pūchhtā thā mirī umr us se kah denā
kisī ke pyaar ke mausam kā ek jhoñkā hai
simaT gayā thā añdheroñ ko dekh kar lekin
sahar ke saath mire rāste meñ bikhrā hai
jise bachātā rahā thā maiñ aabrū kī tarah
vo lamha aaj mirī muTThiyoñ se phislā hai
fazā kī shāḳh pe lafzoñ ke phuul khilne do
jise sukūt samajhte ho zard patta hai
abhī to mere garebāñ meñ hai tirī ḳhushbū
tire badan pe abhī merā naam likkhā hai
har ek shaḳhs ko ummīd bas usī se hai
hamāre shahr meñ vo ek hī to rusvā hai
waraq hai mere sahife ka aasman kya hai
raha ye chand to shayad tumhaara chehra hai
jo puchhta tha meri umr us se kah dena
kisi ke pyar ke mausam ka ek jhonka hai
simaT gaya tha andheron ko dekh kar lekin
sahar ke sath mere raste mein bikhra hai
jise bachata raha tha main aabru ki tarah
wo lamha aaj meri muTThiyon se phisla hai
faza ki shaKH pe lafzon ke phul khilne do
jise sukut samajhte ho zard patta hai
abhi to mere gareban mein hai teri KHushbu
tere badan pe abhi mera nam likkha hai
har ek shaKHs ko ummid bas usi se hai
hamare shahr mein wo ek hi to ruswa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
