waraq par hadse kuchh the ubhaare

varaq par hādse kuchh the ubhāre

sahāre ho ga.e dushman hamāre

mohabbat is qadar ho vālihāna

ki manzil chīḳh kar tujh ko pukāre

mirā to mas.ala ab shā'irī hai

sar-e-qirtās qisse haiñ tumhāre

mirī mayyat yahāñ par mat jalāo

ki harf aa.egā yāroñ par hamāre

apāhij soch aaḌe aa ga.ī thī

vagarna toḌ laatā maiñ bhī taare

maiñ apnī 'umr se kitnā baḌā huuñ

ḳhayāl aaya mujhe pā kar ḳhasāre

samundar ko faqat āvāz dī thī

ki chalne lag paḌe ḳhud hī kināre

hidāyat-kār ko tum mashvara do

mire ḳhuuñ se kahānī ko nikhāre

tujhe niyyat kā āḳhir phal milegā

añdherā raushnī se kyoñ na haare

tumhārī fikr girvī ho chukī hai

agar samjho na 'mājid' ke ishāre

waraq par hadse kuchh the ubhaare

sahaare ho gae dushman hamare

mohabbat is qadar ho walihana

ki manzil chiKH kar tujh ko pukare

mera to masala ab sha'iri hai

sar-e-qirtas qisse hain tumhaare

meri mayyat yahan par mat jalao

ki harf aaega yaron par hamare

apahij soch aaDe aa gai thi

wagarna toD lata main bhi tare

main apni 'umr se kitna baDa hun

KHayal aaya mujhe pa kar KHasare

samundar ko faqat aawaz di thi

ki chalne lag paDe KHud hi kinare

hidayat-kar ko tum mashwara do

mere KHun se kahani ko nikhaare

tujhe niyyat ka aaKHir phal milega

andhera raushni se kyon na haare

tumhaari fikr girwi ho chuki hai

agar samjho na 'majid' ke ishaare