wasl bharpur raha hijr bhi bharpur bana

vasl bharpūr rahā hijr bhī bharpūr banā

zaḳhm nāḳhun se khurachte hue nāsūr banā

us ne ik 'umr mire saath aziyyat jhelī

ab ke saa.e ko mire jism se kuchh duur banā

aañkh be-nūr sahī kaan to sun sakte haiñ

aisā kuchh bol mirī aañkh ko pur-nūr banā

mere lahje ko churā kar huā naamī koī

mere ash'ār churā kar koī mash.hūr banā

merī sachchā.ī bayāñ kar mire ash'ār ke saath

merī tasvīr banā aur ba-dastūr banā

maiñ to shā'ir thā magar peT kī ḳhātir 'ārif'

bār-e-ġham sah na sakā banda-e-mazdūr banā

wasl bharpur raha hijr bhi bharpur bana

zaKHm naKHun se khurachte hue nasur bana

us ne ek 'umr mere sath aziyyat jheli

ab ke sae ko mere jism se kuchh dur bana

aankh be-nur sahi kan to sun sakte hain

aisa kuchh bol meri aankh ko pur-nur bana

mere lahje ko chura kar hua nami koi

mere ash'ar chura kar koi mashhur bana

meri sachchai bayan kar mere ash'ar ke sath

meri taswir bana aur ba-dastur bana

main to sha'ir tha magar peT ki KHatir 'arif'

bar-e-gham sah na saka banda-e-mazdur bana