wasl ki to kabhi furqat ki ghazal likhte hain

vasl kī to kabhī furqat kī ġhazal likhte haiñ

ham to shā.ir haiñ mohabbat kī ġhazal likhte haiñ

paḌhiye un ko kisī kāġhaz pe nahīñ sarhad par

apne ḳhuuñ se jo shahādat kī ġhazal likhte haiñ

rahnumā apne vatan ke bhī haiñ kitne shātir

vo shahādat pe siyāsat kī ġhazal likhte haiñ

tum ne mazdūr ke chhāle nahīñ dekhe shāyad

apne hāthoñ pe vo mehnat kī ġhazal likhte haiñ

mulk aise bhī haiñ kuchh ḳhaas paḌosī apne

sarhadoñ pe jo adāvat kī ġhazal likhte haiñ

ham sabhī chain se sote haiñ magar rātoñ meñ

fauj vaale to hifāzat kī ġhazal likhte haiñ

shauq likhne kā bahut ham ko bhī hai lekin ham

sone ke pen se ġhurbat kī ġhazal likhte haiñ

wasl ki to kabhi furqat ki ghazal likhte hain

hum to shair hain mohabbat ki ghazal likhte hain

paDhiye un ko kisi kaghaz pe nahin sarhad par

apne KHun se jo shahadat ki ghazal likhte hain

rahnuma apne watan ke bhi hain kitne shatir

wo shahadat pe siyasat ki ghazal likhte hain

tum ne mazdur ke chhaale nahin dekhe shayad

apne hathon pe wo mehnat ki ghazal likhte hain

mulk aise bhi hain kuchh KHas paDosi apne

sarhadon pe jo adawat ki ghazal likhte hain

hum sabhi chain se sote hain magar raaton mein

fauj wale to hifazat ki ghazal likhte hain

shauq likhne ka bahut hum ko bhi hai lekin hum

sone ke pen se ghurbat ki ghazal likhte hain