wasl mein bhi hijr ko mahsus kar ke aa gae hum

vasl meñ bhī hijr ko mahsūs kar ke aa ga.e ham

dil lagāne ko ga.e the aañkh bhar ke aa ga.e ham

TūTnā phir aañkh bharnā kar rahe haiñ ham musalsal

maut se pahle hī kitnī baar mar ke aa ga.e ham

bazm meñ pūchhā kisī ne bevafā kā naam kyā hai

aur us ke naam se dīvār bhar ke aa ga.e ham

baat hai me.aar kī to mai-kade jaate nahīñ haiñ

par nashe meñ haiñ nasha ulfat kā kar ke aa ga.e ham

mas.ala karne lagā thā dil bhulāne meñ use tab

haath pakḌā aur dil hāthoñ meñ dhar ke aa ga.e ham

wasl mein bhi hijr ko mahsus kar ke aa gae hum

dil lagane ko gae the aankh bhar ke aa gae hum

TuTna phir aankh bharna kar rahe hain hum musalsal

maut se pahle hi kitni bar mar ke aa gae hum

bazm mein puchha kisi ne bewafa ka nam kya hai

aur us ke nam se diwar bhar ke aa gae hum

baat hai mear ki to mai-kade jate nahin hain

par nashe mein hain nasha ulfat ka kar ke aa gae hum

masala karne laga tha dil bhulane mein use tab

hath pakDa aur dil hathon mein dhar ke aa gae hum