viran hai tamannaon ka manzar tere hote

vīrāñ hai tamannāoñ kā manzar tire hote

kyā haal hai dil kā mire dilbar tire hote

ik chashm-e-karam shahr-e-ġharībāñ pe idhar bhī

pyāsā hai nagar ek samundar tire hote

kuchh tujh ko ḳhabar hai mire dam-sāz masīhā

phirtā huuñ rah-e-zīst meñ dar dar tire hote

kyā tujh ko gavārā hai tirā banda-e-majbūr

aġhyār kī chaukhaT pe rakhe sar tire hote

ai gardish-e-mīnā-e-shab-o-roz batā kuchh

kyoñ shahr meñ haiñ itne gadāgar tire hote

ik ye bhī hai andāz tire husn-e-karam kā

huuñ rah ke vatan meñ bhī musāfir tire hote

hai kunj-e-qafas meñ ye tirā haal ġham-e-dil

kyā hashr uThātā jo kabhī par tire hote

qātil bhī hai tū aur masīhā bhī mirā tū

kyā rang karūñ dil kā fusūñ-gar tire hote

ik marhala-e-marg abhī aur hai baaqī

ye kaam bhī ho jaa.e sitamgar tire hote

ai 'shaiḳh' tire fikr kī ye sho'la-bayānī

mānind-e-guhar-hā-e-suḳhan-var tire hote

viran hai tamannaon ka manzar tere hote

kya haal hai dil ka mere dilbar tere hote

ek chashm-e-karam shahr-e-ghariban pe idhar bhi

pyasa hai nagar ek samundar tere hote

kuchh tujh ko KHabar hai mere dam-saz masiha

phirta hun rah-e-zist mein dar dar tere hote

kya tujh ko gawara hai tera banda-e-majbur

aghyar ki chaukhaT pe rakhe sar tere hote

ai gardish-e-mina-e-shab-o-roz bata kuchh

kyon shahr mein hain itne gadagar tere hote

ek ye bhi hai andaz tere husn-e-karam ka

hun rah ke watan mein bhi musafir tere hote

hai kunj-e-qafas mein ye tera haal gham-e-dil

kya hashr uThata jo kabhi par tere hote

qatil bhi hai tu aur masiha bhi mera tu

kya rang karun dil ka fusun-gar tere hote

ek marhala-e-marg abhi aur hai baqi

ye kaam bhi ho jae sitamgar tere hote

ai 'shaiKH' tere fikr ki ye sho'la-bayani

manind-e-guhar-ha-e-suKHan-war tere hote