visal-e-yar mein hain sar-KHushan gulab ke phul

visāl-e-yār meñ haiñ sar-ḳhushāñ gulāb ke phuul

umaD paḌe haiñ yahāñ se vahāñ gulāb ke phuul

sharāb jugnū havā titliyāñ gulāb ke phuul

sabhī farefta-dil āshiqāñ gulāb ke phuul

laraz rahe haiñ shafaq par mohabbatoñ ke ḳhumār

bikhar rahe haiñ sar-e-be-karāñ gulāb ke phuul

dayār-e-yār meñ khulne lage bahār ke rang

ḳhayāl-e-yār meñ nik.hat-fashāñ gulāb ke phuul

rakhe haiñ kāñTe bhī ham ne 'azīz-tar lekin

ḳhudā kare ki na hoñ bad-gumāñ gulāb ke phuul

chaman meñ Dāliyāñ labrez haiñ umangoñ se

kahīñ pe suukh ga.e be-nishāñ gulāb ke phuul

ravish ravish meñ utar aa.e haiñ misāl-e-bahisht

sañbhal rahe haiñ liye Tahniyāñ gulāb ke phuul

farishte DhūñDte rahte haiñ āsmānoñ meñ

falak se aa.eñ zamīñ par yahāñ gulāb ke phuul

kahāñ kahāñ na uThe haiñ shabāb ke fitne

raqam kareñ vo na.ī dāstāñ gulāb ke phuul

bharī huī haiñ bahāroñ kī jholiyāñ 'barham'

mirī lahad pe gireñ mehrbāñ gulāb ke phuul

visal-e-yar mein hain sar-KHushan gulab ke phul

umaD paDe hain yahan se wahan gulab ke phul

sharab jugnu hawa titliyan gulab ke phul

sabhi farefta-dil aashiqan gulab ke phul

laraz rahe hain shafaq par mohabbaton ke KHumar

bikhar rahe hain sar-e-be-karan gulab ke phul

dayar-e-yar mein khulne lage bahaar ke rang

KHayal-e-yar mein nikhat-fashan gulab ke phul

rakhe hain kanTe bhi hum ne 'aziz-tar lekin

KHuda kare ki na hon bad-guman gulab ke phul

chaman mein Daliyan labrez hain umangon se

kahin pe sukh gae be-nishan gulab ke phul

rawish rawish mein utar aae hain misal-e-bahisht

sanbhal rahe hain liye Tahniyan gulab ke phul

farishte DhunDte rahte hain aasmanon mein

falak se aaen zamin par yahan gulab ke phul

kahan kahan na uThe hain shabab ke fitne

raqam karen wo nai dastan gulab ke phul

bhari hui hain bahaaron ki jholiyan 'barham'

meri lahad pe giren mehrban gulab ke phul