wo aa jae to mera shahr-e-dil aabaad ho jae

vo aa jaa.e to merā shahr-e-dil ābād ho jaa.e

phir us ke baa'd vo mere liye sayyād ho jaa.e

kisī se ishq kā iz.hār ḳhāmoshī bhī hotī hai

zarūrī hai ki koī aadmī farhād ho jaa.e

ajab hotī hai hālat jab kabhī ye dil machaltā hai

kabhī ye shaad hotā hai kabhī nāshād ho jaa.e

jo honī hai muqaddar meñ vo ik din ho ke rahtī hai

gila kyā kījiye duniyā agar barbād ho jaa.e

sunahre ḳhvāb to dekhe magar ta.abīr kab niklī

koī to aa.e din aisā ki ye dil shaad ho jaa.e

sitam kā din bhī lambā aur alam kī raat bhī lambī

bhalā phir kyoñ na koī ḳhānamāñ-barbād ho jaa.e

sunā hai tum bhī koī aadmī the ik zamāne meñ

vo kyā din the zarā ahvāl ai 'shahzād' ho jaa.e

wo aa jae to mera shahr-e-dil aabaad ho jae

phir us ke ba'd wo mere liye sayyaad ho jae

kisi se ishq ka izhaar KHamoshi bhi hoti hai

zaruri hai ki koi aadmi farhad ho jae

ajab hoti hai haalat jab kabhi ye dil machalta hai

kabhi ye shad hota hai kabhi nashad ho jae

jo honi hai muqaddar mein wo ek din ho ke rahti hai

gila kya kijiye duniya agar barbaad ho jae

sunahre KHwab to dekhe magar tabir kab nikli

koi to aae din aisa ki ye dil shad ho jae

sitam ka din bhi lamba aur alam ki raat bhi lambi

bhala phir kyon na koi KHanaman-barbaad ho jae

suna hai tum bhi koi aadmi the ek zamane mein

wo kya din the zara ahwal ai 'shahzad' ho jae