wo aaenge bhi mere ghar to aur kya hoga

vo ā.eñge bhī mire ghar to aur kyā hogā

yahī ki dard-e-dil-e-zār kuchh sivā hogā

malāl is kā na farmā.eñ ho hī jaatā hai

sunā kuchh aap ne ham se to kuchh kahā hogā

mirī bhī rāhguzar thī kabhī galī un kī

sabā ne naqsh-e-kaf-e-pā miTā diyā hogā

chhiḌā huā hai fasāna koī gulistāñ meñ

hamārī un kī mohabbat kā mājrā hogā

idhar bhī dekhiye lillāh sochiye to sahī

ham aa.e haiñ jo yahāñ koī mudda.ā hogā

ham aur shikva-e-bedād ḳhair kyā kahiye

kisī ne aa ke yahī aap se kahā hogā

kisī ke zikr pe ye bad-gumāniyāñ tauba

hasīn hogā koī lekin aap sā hogā

hamāre sāmne ye choñchle raqīboñ se

ab un kī bazm meñ jo aa.e be-hayā hogā

jo umr aap ke va.adoñ pe kaaT de apnī

vo ḳhāksār nahīñ koī dūsrā hogā

wo aaenge bhi mere ghar to aur kya hoga

yahi ki dard-e-dil-e-zar kuchh siwa hoga

malal is ka na farmaen ho hi jata hai

suna kuchh aap ne hum se to kuchh kaha hoga

meri bhi rahguzar thi kabhi gali un ki

saba ne naqsh-e-kaf-e-pa miTa diya hoga

chhiDa hua hai fasana koi gulistan mein

hamari un ki mohabbat ka majra hoga

idhar bhi dekhiye lillah sochiye to sahi

hum aae hain jo yahan koi muddaa hoga

hum aur shikwa-e-bedad KHair kya kahiye

kisi ne aa ke yahi aap se kaha hoga

kisi ke zikr pe ye bad-gumaniyan tauba

hasin hoga koi lekin aap sa hoga

hamare samne ye chonchle raqibon se

ab un ki bazm mein jo aae be-haya hoga

jo umr aap ke wadon pe kaT de apni

wo KHaksar nahin koi dusra hoga