wo aaj ho gaya shamil adu ke lashkar mein

vo aaj ho gayā shāmil adū ke lashkar meñ

jo baiThtā thā hamesha mire barābar meñ

hamāre qalb-o-jigar ko lahūluhān kiyā

baḌā hī vazn thā us bevafā ke patthar meñ

tamām ne.amateñ rab ne mujhe atā kī haiñ

bas ek us ko na likkhā mire muqaddar meñ

maiñ apnā haal kisī se bayāñ nahīñ kartā

baḌī hī shaan se rahtā huuñ apne chhappar meñ

mujhe nahīñ hai zarūrat tirī ināyat kī

ḳhudā ke fazl se har chiiz hai mire ghar meñ

har ek shaḳhs meñ kamiyāñ talāsh karte ho

jhalak rahā hai takabbur tumhāre tevar meñ

samundaroñ se sadaf vo hī le ke aatā hai

buland hausla hotā hai jis shanāvar meñ

munāfiqoñ pe kabhī e.atibār mat karnā

chhupā ke rakhte haiñ ḳhanjar sadā gul-e-tar meñ

tumheñ bhī aa gayā 'afzal' shu.ūr-e-sher-o-suḳhan

tumhārā naam bhī shāmil huā suḳhnavar meñ

wo aaj ho gaya shamil adu ke lashkar mein

jo baiThta tha hamesha mere barabar mein

hamare qalb-o-jigar ko lahuluhan kiya

baDa hi wazn tha us bewafa ke patthar mein

tamam neamaten rab ne mujhe ata ki hain

bas ek us ko na likkha mere muqaddar mein

main apna haal kisi se bayan nahin karta

baDi hi shan se rahta hun apne chhappar mein

mujhe nahin hai zarurat teri inayat ki

KHuda ke fazl se har chiz hai mere ghar mein

har ek shaKHs mein kamiyan talash karte ho

jhalak raha hai takabbur tumhaare tewar mein

samundaron se sadaf wo hi le ke aata hai

buland hausla hota hai jis shanawar mein

munafiqon pe kabhi eatibar mat karna

chhupa ke rakhte hain KHanjar sada gul-e-tar mein

tumhein bhi aa gaya 'afzal' shuur-e-sher-o-suKHan

tumhaara nam bhi shamil hua suKHnawar mein