wo aane wala nahin phir bhi aana chahta hai
vo aane vaalā nahīñ phir bhī aanā chāhtā hai
magar vo koī munāsib bahānā chāhtā hai
ye zindagī hai ye to hai ye rozgār ke dukh
abhī batā de kahāñ āzmānā chāhtā hai
ki jaise us se mulāqāt phir nahīñ hogī
vo saarī bāteñ ikaTThī batānā chāhtā hai
maiñ sun rahā huuñ añdhere meñ āhaTeñ kaisī
ye kaun aayā hai aur kaun jaanā chāhtā hai
use ḳhabar hai ki majnūñ ko raas hai jañgal
vo mere ghar meñ bhī paude lagānā chāhtā hai
vo ḳhud-ġharaz hai mohabbat ke baab meñ 'tābish'
ki ek pal ke evaz ik zamāna chāhtā hai
wo aane wala nahin phir bhi aana chahta hai
magar wo koi munasib bahana chahta hai
ye zindagi hai ye to hai ye rozgar ke dukh
abhi bata de kahan aazmana chahta hai
ki jaise us se mulaqat phir nahin hogi
wo sari baaten ikaTThi batana chahta hai
main sun raha hun andhere mein aahaTen kaisi
ye kaun aaya hai aur kaun jaana chahta hai
use KHabar hai ki majnun ko ras hai jangal
wo mere ghar mein bhi paude lagana chahta hai
wo KHud-gharaz hai mohabbat ke bab mein 'tabish'
ki ek pal ke ewaz ek zamana chahta hai
- Book : Ishq Abaab (Pg. 255)
- Author : Abbas Tabish
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
