wo aarzu na rahi aur wo muddaa na raha

vo aarzū na rahī aur vo mudda.ā na rahā

hamāre aap ke hargiz vo mājrā na rahā

sar-e-niyāz rahā zer-e-pā-e-yād mudām

hinā kī tarah maiñ qadmoñ se kab lagā na rahā

dil āshnā.ī ko chāhe kisī kī ḳhaak mirā

ki āshnā jo huā thā vo āshnā na rahā

hamesha jis se pahuñchtā rahe thā dil ko alam

hazār shukr ki vo dard-e-be-davā na rahā

jab aap ham ne butāñ tark āshnā.ī kī

kisī bhī tarah kā tum se hameñ gilā na rahā

guloñ ke chehroñ pe zardī sī phir rahī hai tamām

ga.ī bahār vo mausam kā ibtidā na rahā

safā-e-sīna se phislā na kab dil-e-āshiq

ki chāh-e-nāf meñ vo ḳhūñ-girafta jā na rahā

hazār harf-e-zabāñ-soz darmiyāñ aa.e

hai sach to ye ki mohabbat meñ vo mazā na rahā

chaman ko chhoḌ ham aise chale ga.e sū-e-dasht

ki naam ko bhī phir andesha-e-sabā na rahā

ye kis ke chāh-e-zanaḳhdāñ kī fikr meñ Duubā

tamām raat jo zaanū se sar judā na rahā

ajab na jaan gar aa jaa.e saltanat ko zavāl

kisī ke sar pe sadā sāya-e-humā na rahā

nishān-e-'mus.hafī'-e-ḳhasta pūchhte kyā ho

vo ḳhāk-e-rāh to ab misl-e-naqsh-e-pā na rahā

wo aarzu na rahi aur wo muddaa na raha

hamare aap ke hargiz wo majra na raha

sar-e-niyaz raha zer-e-pa-e-yaad mudam

hina ki tarah main qadmon se kab laga na raha

dil aashnai ko chahe kisi ki KHak mera

ki aashna jo hua tha wo aashna na raha

hamesha jis se pahunchta rahe tha dil ko alam

hazar shukr ki wo dard-e-be-dawa na raha

jab aap hum ne butan tark aashnai ki

kisi bhi tarah ka tum se hamein gila na raha

gulon ke chehron pe zardi si phir rahi hai tamam

gai bahaar wo mausam ka ibtida na raha

safa-e-sina se phisla na kab dil-e-ashiq

ki chah-e-naf mein wo KHun-girafta ja na raha

hazar harf-e-zaban-soz darmiyan aae

hai sach to ye ki mohabbat mein wo maza na raha

chaman ko chhoD hum aise chale gae su-e-dasht

ki nam ko bhi phir andesha-e-saba na raha

ye kis ke chah-e-zanaKHdan ki fikr mein Duba

tamam raat jo zanu se sar juda na raha

ajab na jaan gar aa jae saltanat ko zawal

kisi ke sar pe sada saya-e-huma na raha

nishan-e-'mushafi'-e-KHasta puchhte kya ho

wo KHak-e-rah to ab misl-e-naqsh-e-pa na raha