wo ab jang-o-jadal kuchh bhi nahin hai

vo ab jañg-o-jadal kuchh bhī nahīñ hai

nahīñ dasht-o-jabal kuchh bhī nahīñ hai

ḳhasāre kā badal kuchh bhī nahīñ hai

magar māthe pe bal kuchh bhī nahīñ hai

ajab ḳhush-shakl aur ḳhush-posh hai vo

shikan koī na shal kuchh bhī nahīñ hai

har ik shai āsmāñ par hai salāmat

zamīñ par bar-mahal kuchh bhī nahīñ hai

use bhī kho ke kitne mutma.in haiñ

vo shai jis kā badal kuchh bhī nahīñ hai

ġhanīmat jāniye hai aaj jo kuchh

ye mat kahiyegā kal kuchh bhī nahīñ hai

kareñge ruḳh udhar kaise parinde

shajar pe phuul phal kuchh bhī nahīñ hai

ilāhī terī rahmat se hai ummīd

hamārā to amal kuchh bhī nahīñ hai

jise ḳhauf-e-ḳhudā har dam hai 'dānish'

use ḳhauf-e-ajal kuchh bhī nahīñ hai

wo ab jang-o-jadal kuchh bhi nahin hai

nahin dasht-o-jabal kuchh bhi nahin hai

KHasare ka badal kuchh bhi nahin hai

magar mathe pe bal kuchh bhi nahin hai

ajab KHush-shakl aur KHush-posh hai wo

shikan koi na shal kuchh bhi nahin hai

har ek shai aasman par hai salamat

zamin par bar-mahal kuchh bhi nahin hai

use bhi kho ke kitne mutmain hain

wo shai jis ka badal kuchh bhi nahin hai

ghanimat jaaniye hai aaj jo kuchh

ye mat kahiyega kal kuchh bhi nahin hai

karenge ruKH udhar kaise parinde

shajar pe phul phal kuchh bhi nahin hai

ilahi teri rahmat se hai ummid

hamara to amal kuchh bhi nahin hai

jise KHauf-e-KHuda har dam hai 'danish'

use KHauf-e-ajal kuchh bhi nahin hai