wo apne etibar ka nashsha utar ke
vo apne e'tibār kā nashsha utaar ke
aayā hai ek raat meñ sadiyāñ guzār ke
us paar jaane vāloñ ko kis kā hai intizār
kashtī chalī ga.ī hai musāfir utaar ke
bā’d-e-ḳhizāñ huī hai use raftagāñ kī yaad
ashkoñ kī tarh girte haiñ patte chīnār ke
kahte haiñ log Dhaltā huā chāñd dekh kar
vo jā rahā hai koī shab-e-ġham guzār ke
maiñ aur us se baat karūñ vo bhī dil kī baat
dīvāna kar ga.e mujhe jhoñke bahār ke
merā ḳhayāl thā nahīñ dhoka kareñge vo
ḳhūbān-e-shahr pakke haiñ qaul-o-qarār ke
maiñ kis ko DhūñDhtā huuñ ghane jangaloñ ke biich
ye kaun chhup gayā mujhe 'anjum' pukār ke
wo apne e'tibar ka nashsha utar ke
aaya hai ek raat mein sadiyan guzar ke
us par jaane walon ko kis ka hai intizar
kashti chali gai hai musafir utar ke
ba’d-e-KHizan hui hai use raftagan ki yaad
ashkon ki tarh girte hain patte chinar ke
kahte hain log Dhalta hua chand dekh kar
wo ja raha hai koi shab-e-gham guzar ke
main aur us se baat karun wo bhi dil ki baat
diwana kar gae mujhe jhonke bahaar ke
mera KHayal tha nahin dhoka karenge wo
KHuban-e-shahr pakke hain qaul-o-qarar ke
main kis ko DhunDhta hun ghane jangalon ke bich
ye kaun chhup gaya mujhe 'anjum' pukar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
