wo apne matlab ki kah rahe hain zaban par go hai baat meri

vo apne matlab kī kah rahe haiñ zabān par go hai baat merī

hai chit bhī un kī hai paT bhī un kī hai jiit un kī hai maat merī

kabhī vo miltā hai dushmanoñ se kabhī vo miltā hai mujh se aa kar

jo din hai merā to raat un kī jo din hai un kā to raat merī

kabhī hai tola kabhī hai māsha kabhī haiñ nā-ḳhush kabhī haiñ vo ḳhush

qarār un ko nahīñ hai dam-bhar hai taak un kī to ghaat merī

ye baat kyā hai ye mājrā kyā ye raaz kyā hai ye vāqi.a kyā

ki haañ meñ haañ sab milā rahe haiñ vo kar rahe haiñ sifāt merī

irāda hai maiñ likhūñ fasāna kisī kī kuchh dil-shikastagī kā

qalam shikasta paḌā kidhar hai kahāñ hai koī davāt merī

idhar banī hai dil-e-hazīñ par udhar to sargarm-e-nāz haiñ vo

koī ye aa kar tamāshā dekhe adā hai un kī mamāt merī

ye ho rahā hai tamāsha kaisā idhar to ġham hai udhar hai shādī

kabhī uThegā janāza merā kabhī sajī thī barāt merī

wo apne matlab ki kah rahe hain zaban par go hai baat meri

hai chit bhi un ki hai paT bhi un ki hai jit un ki hai mat meri

kabhi wo milta hai dushmanon se kabhi wo milta hai mujh se aa kar

jo din hai mera to raat un ki jo din hai un ka to raat meri

kabhi hai tola kabhi hai masha kabhi hain na-KHush kabhi hain wo KHush

qarar un ko nahin hai dam-bhar hai tak un ki to ghat meri

ye baat kya hai ye majra kya ye raaz kya hai ye waqia kya

ki han mein han sab mila rahe hain wo kar rahe hain sifat meri

irada hai main likhun fasana kisi ki kuchh dil-shikastagi ka

qalam shikasta paDa kidhar hai kahan hai koi dawat meri

idhar bani hai dil-e-hazin par udhar to sargarm-e-naz hain wo

koi ye aa kar tamasha dekhe ada hai un ki mamat meri

ye ho raha hai tamasha kaisa idhar to gham hai udhar hai shadi

kabhi uThega janaza mera kabhi saji thi baraat meri