wo baam pe phir jalwa-numa mere liye hai
wo baam pe phir jalwa-numa mere liye hai
Raj Kumar Soori Nadeem
MORE BYRaj Kumar Soori Nadeem
vo baam pe phir jalva-numā mere liye hai
gul-bār-o-ziyā-bār fazā mere liye hai
pur-nūr huā jaatā hai har jāda-e-muġhazal
peshāni-e-sīmīñ kī ziyā mere liye hai
tā-hadd-e-nazar phail gayā rañg fazā meñ
ḳhush-rañg vo tahrīr-e-hinā mere liye hai
ruḳhsār-o-lab-o-gesū-o-abrū ke jahāñ meñ
har gaam pe ik hashr bapā mere liye hai
kuchh dard kī shiddat meñ kamī hai to sahī ab
shāyad tire hoñToñ pe duā mere liye hai
go taab nahīñ aur sitam sahne kī phir bhī
ahbāb kī har tarz-e-jafā mere liye hai
maiñ ab bhī 'nadīm' apne muqaddar pe huuñ nāzāñ
vo naqsh-e-qadam rāh-numā mere liye hai
wo baam pe phir jalwa-numa mere liye hai
gul-bar-o-ziya-bar faza mere liye hai
pur-nur hua jata hai har jada-e-mughazal
peshani-e-simin ki ziya mere liye hai
ta-hadd-e-nazar phail gaya rang faza mein
KHush-rang wo tahrir-e-hina mere liye hai
ruKHsar-o-lab-o-gesu-o-abru ke jahan mein
har gam pe ek hashr bapa mere liye hai
kuchh dard ki shiddat mein kami hai to sahi ab
shayad tere honTon pe dua mere liye hai
go tab nahin aur sitam sahne ki phir bhi
ahbab ki har tarz-e-jafa mere liye hai
main ab bhi 'nadim' apne muqaddar pe hun nazan
wo naqsh-e-qadam rah-numa mere liye hai
- Book : SAAZ-O-NAVA (Pg. 235)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
