wo bhi gumrah ho gaya hoga

vo bhī gumrāh ho gayā hogā

merā bad-ḳhvāh ho gayā hogā

mere haq meñ jo bol uTThā hai

dard-āgāh ho gayā hogā

sajda-e-shauq jo adā na huā

sañg-e-dargāh ho gayā hogā

hādse kī hameñ ḳhabar hī nahīñ

ḳhair nāgāh ho gayā hogā

vāqi.a aap tak nahīñ pahuñchā

nazr-e-afvāh ho gayā hogā

sūrat-e-hāl dekh kar vo bhī

tere hamrāh ho gayā hogā

vaqt ke saath saath us kā qad

aur kotāh ho gayā hogā

is baras bhī na aa sakā 'fartāsh'

vaqf-e-tanḳhvāh ho gayā hogā

wo bhi gumrah ho gaya hoga

mera bad-KHwah ho gaya hoga

mere haq mein jo bol uTTha hai

dard-agah ho gaya hoga

sajda-e-shauq jo ada na hua

sang-e-dargah ho gaya hoga

hadse ki hamein KHabar hi nahin

KHair nagah ho gaya hoga

waqia aap tak nahin pahuncha

nazr-e-afwah ho gaya hoga

surat-e-haal dekh kar wo bhi

tere hamrah ho gaya hoga

waqt ke sath sath us ka qad

aur kotah ho gaya hoga

is baras bhi na aa saka 'fartash'

waqf-e-tanKHwah ho gaya hoga