wo bhi rahe ghurur mein hum bhi the aan mein

vo bhī rahe ġhurūr meñ ham bhī the aan meñ

TuuTī tanāb-e-ishq isī khīñch-tān meñ

lab par rahī hai us se bichhaḌ kar bhī ik hañsī

kuchh phuul kāġhazī bhī rahe phūl-dān meñ

baḌhne lagā hai raat kī tanhā.iyoñ kā shor

chubhne lagī sukūt kī āvāz kaan meñ

tū bhī vahī hai maiñ bhī vahī huuñ vahī haiñ sab

kuchh bhī nayā nahīñ hai mirī dāstān meñ

bharne lagā hai aarzī duniyā se merā dil

maiñ uubne lagā huuñ ab is martabān meñ

kaise hoñ ik niyām meñ talvār do so ham

apnā vajūd bhuul ga.e us ke dhyān meñ

wo bhi rahe ghurur mein hum bhi the aan mein

TuTi tanab-e-ishq isi khinch-tan mein

lab par rahi hai us se bichhaD kar bhi ek hansi

kuchh phul kaghazi bhi rahe phul-dan mein

baDhne laga hai raat ki tanhaiyon ka shor

chubhne lagi sukut ki aawaz kan mein

tu bhi wahi hai main bhi wahi hun wahi hain sab

kuchh bhi naya nahin hai meri dastan mein

bharne laga hai aarzi duniya se mera dil

main ubne laga hun ab is martaban mein

kaise hon ek niyam mein talwar do so hum

apna wajud bhul gae us ke dhyan mein