wo bhi rone ko tha ab us se gila kya karta

vo bhī rone ko thā ab us se gila kyā kartā

ho bhī jaatā maiñ agar us se ḳhafā kyā kartā

chhoḌ jaatā vo mujhe mujh se mirī jaañ le kar

vo mirā is se ziyāda bhī burā kyā kartā

mujh ko milnā to nahīñ thā maiñ milā bhī lekin

us kī āñkhoñ meñ the aañsū maiñ bhalā kyā kartā

chīḳhtā hī rahā par merī kisī ne na sunī

dam nahīñ thā mirī ġhazloñ meñ gila kyā kartā

roz dekhā nahīñ jaatā thā taḌapnā us kā

mujh ko karnī paḌī marne kī du'ā kyā kartā

us ne har chiiz kā jab mujh se badal māñgā to

maiñ ne lauTā dī phir us kī vo du'ā kyā kartā

wo bhi rone ko tha ab us se gila kya karta

ho bhi jata main agar us se KHafa kya karta

chhoD jata wo mujhe mujh se meri jaan le kar

wo mera is se ziyaada bhi bura kya karta

mujh ko milna to nahin tha main mila bhi lekin

us ki aankhon mein the aansu main bhala kya karta

chiKHta hi raha par meri kisi ne na suni

dam nahin tha meri ghazlon mein gila kya karta

roz dekha nahin jata tha taDapna us ka

mujh ko karni paDi marne ki du'a kya karta

us ne har chiz ka jab mujh se badal manga to

main ne lauTa di phir us ki wo du'a kya karta