wo bij koi bata de kahan se lana hai

vo biij koī batā de kahāñ se laanā hai

mujhe to baaġh mohabbat kā ik ugānā hai

vo jis ke phuul bikhereñ fazā meñ pyaar hī pyaar

har ek phuul ko ghar ghar meñ le ke jaanā hai

zamīn vāloñ pe kaisā ye vaqt aayā hai

ki āsmān bhī hairāñ hai kyā zamāna hai

ham apnī baat ḳhud apne hī dil se kah leñge

ye baat baat pe ehsān kyā uThānā hai

phir un kā jurm hamāre hisāb meñ aayā

ilāhī aur hameñ kitnā āzmānā hai

unheñ bhī da.avā-e-bechārgī bahut hai magar

hameñ bhī aaj unheñ aa.ina dikhānā hai

mirā adū mire qadmoñ meñ Dher ho jaatā

ye mo.ajiza mire mālik tujhe dikhānā hai

wo bij koi bata de kahan se lana hai

mujhe to bagh mohabbat ka ek ugana hai

wo jis ke phul bikheren faza mein pyar hi pyar

har ek phul ko ghar ghar mein le ke jaana hai

zamin walon pe kaisa ye waqt aaya hai

ki aasman bhi hairan hai kya zamana hai

hum apni baat KHud apne hi dil se kah lenge

ye baat baat pe ehsan kya uThana hai

phir un ka jurm hamare hisab mein aaya

ilahi aur hamein kitna aazmana hai

unhen bhi dawa-e-bechaargi bahut hai magar

hamein bhi aaj unhen aaina dikhana hai

mera adu mere qadmon mein Dher ho jata

ye moajiza mere malik tujhe dikhana hai