wo chandni mein kuchh aisa tha tar-ba-tar tanha

vo chāñdnī meñ kuchh aisā thā tar-ba-tar tanhā

maiñ dekhtā rahā manzar ye raat bhar tanhā

huī hai jaise abhī tak guzar-basar tanhā

guzār Dāleñge baaqī kā bhī safar tanhā

pukārtā huuñ tirā naam jaise sahrā meñ

hamesha aatī hai āvāz lauT kar tanhā

uqaab uḌtā hai jis tarah āsmānoñ meñ

bulandiyoñ meñ kiyā kartā huuñ safar tanhā

hamesha rahtā hai hamrāh qāfila us ke

musībat aatī nahīñ hai kisī ke ghar tanhā

vo muntazir hai koī us ke saa.e meñ aa.e

khaḌā hai duur rah-e-haq pe ik shajar tanhā

sharīk qāfila hotā to jashn ho jaatā

mile the ḳhizr safar thā mirā magar tanhā

chalī ga.ī hai tire saath zindagī 'jāved'

maiñ ho gayā huuñ tire ba.ad kis qadar tanhā

wo chandni mein kuchh aisa tha tar-ba-tar tanha

main dekhta raha manzar ye raat bhar tanha

hui hai jaise abhi tak guzar-basar tanha

guzar Dalenge baqi ka bhi safar tanha

pukarta hun tera nam jaise sahra mein

hamesha aati hai aawaz lauT kar tanha

uqab uDta hai jis tarah aasmanon mein

bulandiyon mein kiya karta hun safar tanha

hamesha rahta hai hamrah qafila us ke

musibat aati nahin hai kisi ke ghar tanha

wo muntazir hai koi us ke sae mein aae

khaDa hai dur rah-e-haq pe ek shajar tanha

sharik qafila hota to jashn ho jata

mile the KHizr safar tha mera magar tanha

chali gai hai tere sath zindagi 'jawed'

main ho gaya hun tere baad kis qadar tanha