wo dil jo kushta-e-gham-e-sud-o-ziyan na tha

vo dil jo kushta-e-ġham-e-sūd-o-ziyāñ na thā

shā.ista-e-navāzish-e-daur-e-jahāñ na thā

kab mujh ko lutf-e-ahl-e-mohabbat na thā nasīb

kab merā dil matā.a-e-ġham-e-dostāñ na thā

juz terī yaad ke na thī dil-soz koī yaad

juz tere ġham ke dil pe koī ġham girāñ na thā

dil aur ġham ke rabt ne majbūr kar diyā

yuuñ varna har qadam pe kabhī imtihāñ na thā

vo mil gayā hai ab mujhe apnī ḳhabar ho kyoñ

thī us kī justujū to ye banda kahāñ na thā

tum to har ek husn ko pahchānte ho ḳhuub

gul kī chaTak meñ kyā mirā husn-e-bayāñ na thā

wo dil jo kushta-e-gham-e-sud-o-ziyan na tha

shaista-e-nawazish-e-daur-e-jahan na tha

kab mujh ko lutf-e-ahl-e-mohabbat na tha nasib

kab mera dil mataa-e-gham-e-dostan na tha

juz teri yaad ke na thi dil-soz koi yaad

juz tere gham ke dil pe koi gham giran na tha

dil aur gham ke rabt ne majbur kar diya

yun warna har qadam pe kabhi imtihan na tha

wo mil gaya hai ab mujhe apni KHabar ho kyon

thi us ki justuju to ye banda kahan na tha

tum to har ek husn ko pahchante ho KHub

gul ki chaTak mein kya mera husn-e-bayan na tha