wo dil jo tha kisi ke gham ka mahram ho gaya ruswa

vo dil jo thā kisī ke ġham kā mahram ho gayā rusvā

jahān-e-besh-o-kam meñ ḳhvāb-e-ādam ho gayā rusvā

na chauñkā nik.hat-e-āvāra kī rūdād par koī

ye kyuuñ afsāna-e-parvāz-e-shabnam ho gayā rusvā

dikhā.ī ahl-e-dil ko manzil-e-dār-o-rasan jis ne

tumhārī kaj-kulāhī kā vo aalam ho gayā rusvā

amānat sīna-e-lāla meñ kis kī thī na ye pūchho

ki sa.ī-e-parda-dārī meñ mirā ġham ho gayā rusvā

hai ā.īne kī hairānī bhī afsāna-dar-afsāna

tire asrār-e-mahjūbī kā mahram ho gayā rusvā

pasand aa.ī ġhazal ko 'mīr' kī āshufta-sāmānī

tirā rāz-āshnā ai zulf-e-barham ho gayā rusvā

ḳhabar kyā thī ki aañsū pī ke bhī jiinā nahīñ āsāñ

ye ġham kam hai gudāz-e-sheva-e-ġham ho gayā rusvā

basānā thā kisī hiile se duniyā ke ḳharābe ko

ye aisī maslahat thī jis pe aadam ho gayā rusvā

ajab tarz-e-mudāvā thā hamāre chārasāzoñ kā

ki 'hurmat' irtibāt-e-zaḳhm-o-marham ho gayā rusvā

wo dil jo tha kisi ke gham ka mahram ho gaya ruswa

jahan-e-besh-o-kam mein KHwab-e-adam ho gaya ruswa

na chaunka nikhat-e-awara ki rudad par koi

ye kyun afsana-e-parwaz-e-shabnam ho gaya ruswa

dikhai ahl-e-dil ko manzil-e-dar-o-rasan jis ne

tumhaari kaj-kulahi ka wo aalam ho gaya ruswa

amanat sina-e-lala mein kis ki thi na ye puchho

ki sai-e-parda-dari mein mera gham ho gaya ruswa

hai aaine ki hairani bhi afsana-dar-afsana

tere asrar-e-mahjubi ka mahram ho gaya ruswa

pasand aai ghazal ko 'mir' ki aashufta-samani

tera raaz-ashna ai zulf-e-barham ho gaya ruswa

KHabar kya thi ki aansu pi ke bhi jina nahin aasan

ye gham kam hai gudaz-e-shewa-e-gham ho gaya ruswa

basana tha kisi hile se duniya ke KHarabe ko

ye aisi maslahat thi jis pe aadam ho gaya ruswa

ajab tarz-e-mudawa tha hamare chaarasazon ka

ki 'hurmat' irtibaat-e-zaKHm-o-marham ho gaya ruswa