vo dil meñ aaj basā bas ke dil-navāz huā
dil-o-dimāġh meñ phir ḳhuub sāz-bāz huā
vo lais tīr-e-nazar se kamān-e-abrū se
nihattā ishq thā paspā ba-har-mahāz huā
vo kas ke phabtiyāñ kahlā rahe haiñ ḳhush-guftār
maiñ lab-kushā bhī huā to zabāñ-darāz huā
tamām umr kiye jis ko rāt-din sajde
vo merī lahd pe bhī munkir-e-namāz huā
shajar buland rahā āñdhiy.oñ meñ ḳham ho kar
jo sab se jhuk ke milā hai vo sarfarāz huā
madad kī jab bhī zarūrat mujhe huī 'shāhid'
ajiib baat hai har shaḳhs hīlā-sāz huā
wo dil mein aaj basa bas ke dil-nawaz hua
dil-o-dimagh mein phir KHub saz-baz hua
wo lais tir-e-nazar se kaman-e-abru se
nihatta ishq tha paspa ba-har-mahaz hua
wo kas ke phabtiyan kahla rahe hain KHush-guftar
main lab-kusha bhi hua to zaban-daraaz hua
tamam umr kiye jis ko raat-din sajde
wo meri lahd pe bhi munkir-e-namaz hua
shajar buland raha aandhiyon mein KHam ho kar
jo sab se jhuk ke mila hai wo sarfaraaz hua
madad ki jab bhi zarurat mujhe hui 'shahid'
ajib baat hai har shaKHs hila-saz hua
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.