wo dilkashi teri kya husn-e-yar baqi hai

vo dilkashī tirī kyā husn-e-yār baaqī hai

shabāb baaqī na us kā ḳhumār baaqī hai

nigāh-e-shauq ne āñkhoñ se un ke pī thī kabhī

us ek jaam kā ab tak ḳhumār baaqī hai

tumhāre va.ada-e-fardā kā hai yaqīñ ab tak

tamām umr kaTī intizār baaqī hai

tasalliyoñ meñ miTāyā shu.ūr-e-ġham tum ne

tumhīñ batāo kahāñ e.atibār baaqī hai

mizāj-e-momin-e-millat samajh meñ aaya hai

jahāñ meñ tazkira-e-zulfiqār baaqī hai

rahegā taaj saroñ par yā sar kaTeñ us jā

is ek azm pe dār-o-madār baaqī hai

badal sakā na mizāj-e-junūñ abhī maiñ ne

'sharār' zehn pe kuchh intizār baaqī hai

wo dilkashi teri kya husn-e-yar baqi hai

shabab baqi na us ka KHumar baqi hai

nigah-e-shauq ne aankhon se un ke pi thi kabhi

us ek jam ka ab tak KHumar baqi hai

tumhaare wada-e-farda ka hai yaqin ab tak

tamam umr kaTi intizar baqi hai

tasalliyon mein miTaya shuur-e-gham tum ne

tumhin batao kahan eatibar baqi hai

mizaj-e-momin-e-millat samajh mein aaya hai

jahan mein tazkira-e-zulfiqar baqi hai

rahega taj saron par ya sar kaTen us ja

is ek azm pe dar-o-madar baqi hai

badal saka na mizaj-e-junun abhi main ne

'sharar' zehn pe kuchh intizar baqi hai