wo ek shaKHs mera ham-mizaj pahle tha

vo ek shaḳhs mirā ham-mizāj pahle thā

badal gayā vahī kal meñ jo aaj pahle thā

bashar kī pyaas bashar ke lahū se bujhtī hai

jahāñ meñ kyā yahī ḳhūnī rivāj pahle thā

tamām vaqt guzartā hai laġhviyāt meñ ab

hamāre sar pe bahut kaam kaaj pahle thā

ye aisā daur ki insāniyat bilaktī hai

sukūñ se par baḌā saada samāj pahle thā

na dekhī dahr ne us kī tarah ziyā ab tak

ajiib bujhtā huā ik sirāj pahle thā

ġhubār-o-ḳhāk meñ vo sab badal ga.e 'qudsī'

javāharāt kā ghar bhar anaaj pahle thā

wo ek shaKHs mera ham-mizaj pahle tha

badal gaya wahi kal mein jo aaj pahle tha

bashar ki pyas bashar ke lahu se bujhti hai

jahan mein kya yahi KHuni riwaj pahle tha

tamam waqt guzarta hai laghwiyat mein ab

hamare sar pe bahut kaam kaj pahle tha

ye aisa daur ki insaniyat bilakti hai

sukun se par baDa sada samaj pahle tha

na dekhi dahr ne us ki tarah ziya ab tak

ajib bujhta hua ek siraj pahle tha

ghubar-o-KHak mein wo sab badal gae 'qudsi'

jawaharaat ka ghar bhar anaj pahle tha