wo ek wada jise nibhane mein chhoD aae

vo ek vā'da jise nibhāne meñ chhoḌ aa.e

javānī apnī qimār-ḳhāne meñ chhoḌ aa.e

na.ī kahānī meñ ek kirdār kī kamī thī

so zikr apnā tire fasāne meñ chhoḌ aa.e

jo qarz vājib thā ham ne saarā adā kiyā hai

ham apnī sāñseñ bhī mehnatāne meñ chhoḌ aa.e

vo jin parindoñ ko bhā gayā thā asiir rahnā

ham un ko masrūf āb-o-dāne meñ chhoḌ aa.e

sabīh chehre hasīn sub.heñ udaas shāmeñ

sabhī manāzir ko zar kamāne meñ chhoḌ aa.e

'nadīm' lāzim thī ham pe us kī nigāhbānī

so ek af'ī ko ham ḳhazāne meñ chhoḌ aa.e

wo ek wa'da jise nibhane mein chhoD aae

jawani apni qimar-KHane mein chhoD aae

nai kahani mein ek kirdar ki kami thi

so zikr apna tere fasane mein chhoD aae

jo qarz wajib tha hum ne sara ada kiya hai

hum apni sansen bhi mehnatane mein chhoD aae

wo jin parindon ko bha gaya tha asir rahna

hum un ko masruf aab-o-dane mein chhoD aae

sabih chehre hasin subhen udas shamen

sabhi manazir ko zar kamane mein chhoD aae

'nadim' lazim thi hum pe us ki nigahbani

so ek af'i ko hum KHazane mein chhoD aae