wo git pyar ka jo suna kar chale gae

vo giit pyaar kā jo sunā kar chale ga.e

ḳhvābīda hasratoñ ko jagā kar chale ga.e

piine se jis ke hosh na aa.e tamām 'umr

aisī sharāb mujh ko pilā kar chale ga.e

ġhairoñ kī be-ruḳhī kā gila kis liye kareñ

apne hī dil hamārā dukhā kar chale ga.e

pūchhā jo maiñ ne parde meñ sūraj hai yā ki chāñd

chehre se vo naqāb uThā kar chale ga.e

ehsāñ hai 'dānish' un kā zamāne pe ye bahut

jo rāstī kī raah dikhā kar chale ga.e

wo git pyar ka jo suna kar chale gae

KHwabida hasraton ko jaga kar chale gae

pine se jis ke hosh na aae tamam 'umr

aisi sharab mujh ko pila kar chale gae

ghairon ki be-ruKHi ka gila kis liye karen

apne hi dil hamara dukha kar chale gae

puchha jo main ne parde mein suraj hai ya ki chand

chehre se wo naqab uTha kar chale gae

ehsan hai 'danish' un ka zamane pe ye bahut

jo rasti ki rah dikha kar chale gae