wo gul hain na unki wo hansi hai

vo gul haiñ na un kī vo hañsī hai

dekho jidhar us sī paḌī hai

kyuuñ sog kī rasm jīte-jī hai

marne kī hamāre kyā kahī hai

aaḌī haikal ko chuum legī

vo chiiz jo kuchh uThī uThī hai

dāvat thī raqīb kī mire ghar

juutī meñ daal kyā baTī hai

aayā dabe paañv qabr par kaun

koī nahīñ merī bekasī hai

ek vaz.a par ab ḳhudā nibāhe

tauba kar ke sharāb pī hai

vaa.iz hai ḳharāb ḳhvāhish-e-ḳhuld

bilkul ye shaḳhs jannatī hai

kuchh phuuT paḌī hai ghuñghruoñ meñ

chhāgal kuchh un kī kah rahī hai

majbūr farishta hai badī kā

pahle hī se kuchh kahī badī hai

paivasta nahīñ mirā lab-e-shauq

tere lab par tirī hañsī hai

ab kaun kalīm ban ke aayā

phir tuur par aag sī lagī hai

hai aañkh meñ aañkh kaun Daale

koī nahīñ terī aarsī hai

kaisā piinā kahāñ kī tauba

ab maiñ huuñ ḳhudā hai be-ḳhudī hai

ḳhush hoge 'riyāz' se bhī milnā

kyā bāġh-o-bahār aadmī hai

wo gul hain na un ki wo hansi hai

dekho jidhar us si paDi hai

kyun sog ki rasm jite-ji hai

marne ki hamare kya kahi hai

aaDi haikal ko chum legi

wo chiz jo kuchh uThi uThi hai

dawat thi raqib ki mere ghar

juti mein dal kya baTi hai

aaya dabe panw qabr par kaun

koi nahin meri bekasi hai

ek waza par ab KHuda nibahe

tauba kar ke sharab pi hai

waiz hai KHarab KHwahish-e-KHuld

bilkul ye shaKHs jannati hai

kuchh phuT paDi hai ghunghruon mein

chhagal kuchh un ki kah rahi hai

majbur farishta hai badi ka

pahle hi se kuchh kahi badi hai

paiwasta nahin mera lab-e-shauq

tere lab par teri hansi hai

ab kaun kalim ban ke aaya

phir tur par aag si lagi hai

hai aankh mein aankh kaun Dale

koi nahin teri aarsi hai

kaisa pina kahan ki tauba

ab main hun KHuda hai be-KHudi hai

KHush hoge 'riyaz' se bhi milna

kya bagh-o-bahaar aadmi hai