wo gum sharab mein kyon aae hum ko kya malum

vo gum sharāb meñ kyoñ aa.e ham ko kyā mā'lūm

ham ehtisāb meñ kyoñ aa.e ham ko kyā mā'lūm

likhā thā ham ne ki chehra tumhārā bhuul ga.e

vo ḳhud javāb meñ kyoñ aa.e ham ko kyā mā'lūm

unheñ pasand nahīñ hai hamārī gustāḳhī

ham un ke ḳhvāb meñ kyoñ aa.e ham ko kyā mā'lūm

vo sānahe jo tasavvur meñ ham pe guzre the

tirī kitāb meñ kyoñ aa.e ham ko kyā mā'lūm

jinheñ thā zo'm bahut apnī pārsā.ī kā

vo sau hijāb meñ kyoñ aa.e ham ko kyā mā'lūm

vo tishna-lab ki jinheñ tishnagī kā 'irfāñ thā

vahī sarāb meñ kyoñ aa.e ham ko kyā mā'lūm

ye pūchhnā hai to pūchho nigāh-e-qātil se

ham intiḳhāb meñ kyoñ aa.e ham ko kyā mā'lūm

'kamāl' aur bhī shā'ir the raat mahfil meñ

tumhīñ 'itāb meñ kyoñ aa.e ham ko kyā mā'lūm

wo gum sharab mein kyon aae hum ko kya ma'lum

hum ehtisab mein kyon aae hum ko kya ma'lum

likha tha hum ne ki chehra tumhaara bhul gae

wo KHud jawab mein kyon aae hum ko kya ma'lum

unhen pasand nahin hai hamari gustaKHi

hum un ke KHwab mein kyon aae hum ko kya ma'lum

wo sanahe jo tasawwur mein hum pe guzre the

teri kitab mein kyon aae hum ko kya ma'lum

jinhen tha zo'm bahut apni parsai ka

wo sau hijab mein kyon aae hum ko kya ma'lum

wo tishna-lab ki jinhen tishnagi ka 'irfan tha

wahi sarab mein kyon aae hum ko kya ma'lum

ye puchhna hai to puchho nigah-e-qatil se

hum intiKHab mein kyon aae hum ko kya ma'lum

'kamal' aur bhi sha'ir the raat mahfil mein

tumhin 'itab mein kyon aae hum ko kya ma'lum