wo humse kyun alag tha kyun dukhi tha
vo ham se kyuuñ alag thā kyuuñ dukhī thā
hamāre zehn meñ jo aadmī thā
patā detīñ mirā kyā shāhrāheñ
makāñ merā galī-andar-galī thā
hazāroñ maiñ chhupe the mujh meñ phir bhī
nazar meñ aa.ine ke ek hī thā
hare pattoñ se shabnam kī judā.ī
yahī āġhāz-e-sub.h-e-tishnagī thā
ġhurūr-e-sub.h kyā mujh ko dikhātā
lahū kī shaam meñ maiñ dīdanī thā
añdhere jhaaḌ kar dāman se apne
uThā to raushnī hī raushnī thā
wo hum se kyun alag tha kyun dukhi tha
hamare zehn mein jo aadmi tha
pata detin mera kya shahrahen
makan mera gali-andar-gali tha
hazaron main chhupe the mujh mein phir bhi
nazar mein aaine ke ek hi tha
hare patton se shabnam ki judai
yahi aaghaz-e-subh-e-tishnagi tha
ghurur-e-subh kya mujh ko dikhata
lahu ki sham mein main didani tha
andhere jhaD kar daman se apne
uTha to raushni hi raushni tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
