wo hui choT mohabbat mein ki bas man gaya

vo huī choT mohabbat meñ ki bas maan gayā

koī kāfir thā jo le kar mirā īmān gayā

thī bahut vahshat-asar kashmakash-e-aql-o-junūñ

maiñ ne dāman ko sañbhālā to garebān gayā

ishq meñ kuchh na rahā dāġh-e-mohabbat ke sivā

dil gayā hosh gayā ghar gayā sāmān gayā

tauba tauba mirī tauba are tauba tauba

kyā ghaḌī thī ki maiñ vaa.iz kā kahā maan gayā

dil ke dene kā ye anjām are vaah re ishq

ek to jaan ga.ī dūsre ehsān gayā

rind ne sochā ki dam lene kī fursat de do

shaiḳh jī ḳhair manāte haiñ ki tūfān gayā

ishq ko 'ḳhizr' abhī fikr se kar ke ta.abīr

kāfirī ke liye ka.abe meñ musalmān gayā

wo hui choT mohabbat mein ki bas man gaya

koi kafir tha jo le kar mera iman gaya

thi bahut wahshat-asar kashmakash-e-aql-o-junun

main ne daman ko sanbhaala to gareban gaya

ishq mein kuchh na raha dagh-e-mohabbat ke siwa

dil gaya hosh gaya ghar gaya saman gaya

tauba tauba meri tauba are tauba tauba

kya ghaDi thi ki main waiz ka kaha man gaya

dil ke dene ka ye anjam are wah re ishq

ek to jaan gai dusre ehsan gaya

rind ne socha ki dam lene ki fursat de do

shaiKH ji KHair manate hain ki tufan gaya

ishq ko 'KHizr' abhi fikr se kar ke tabir

kafiri ke liye kabe mein musalman gaya