wo husn-e-zan se jae na husn-e-yaqin se hum

vo husn-e-zan se jaa.e na husn-e-yaqīñ se ham

baiThe haiñ shart bāñdh ke ek mah-jabīñ se ham

ham ne bisāt-e-ilm-o-siyāsat to jiit lī

dāman ko sī rahe haiñ magar āstīñ se ham

logoñ ne āsmāñ pe kamandeñ bhī Daal diiñ

fāriġh nahīñ haiñ ab bhī kaf-e-sandalīñ se ham

koī to mauj aa ke hameñ bhī uchhāl de

kab tak paḌe raheñ sadaf-e-tah-nashīñ se ham

dekhā to juz alam nahīñ hañgāma-e-vajūd

be-kār munfa.il rahe duniyā-o-dīñ se ham

taḳhlīq-e-sher ke liye lāzim hai ḳhūn-e-dil

fasleñ ugā ke laa.eñ haiñ mushkil zamīñ se ham

wo husn-e-zan se jae na husn-e-yaqin se hum

baiThe hain shart bandh ke ek mah-jabin se hum

hum ne bisat-e-ilm-o-siyasat to jit li

daman ko si rahe hain magar aastin se hum

logon ne aasman pe kamanden bhi Dal din

farigh nahin hain ab bhi kaf-e-sandalin se hum

koi to mauj aa ke hamein bhi uchhaal de

kab tak paDe rahen sadaf-e-tah-nashin se hum

dekha to juz alam nahin hangama-e-wajud

be-kar munfail rahe duniya-o-din se hum

taKHliq-e-sher ke liye lazim hai KHun-e-dil

faslen uga ke laen hain mushkil zamin se hum