wo insan jo shikar-e-gardish-e-ayyam hota hai

vo insāñ jo shikār-e-gardish-e-ayyām hotā hai

bhalā kartā hai duniyā kā magar badnām hotā hai

jo dekho ġhaur se har sher ik ilhām hotā hai

sabhī ash.ār se zāhir koī paiġhām hotā hai

dahal jaate haiñ dil kaliyoñ ke gulshan thartharātā hai

chaman meñ jab koī taa.ir asīr-e-dām hotā hai

ḳhirad haa.il huā kartī hai jab bhī rāh-e-ulfat meñ

junūn-e-ishq-e-sādiq muft meñ badnām hotā hai

jab aa jaatā hai ġhālib zor-e-bātil haq-parastoñ par

nizām-e-jabr se har-sū bapā kohrām hotā hai

ye duniyā hai ajab is meñ bhalā kyā kyā nahīñ hotā

yahāñ ma.asūm insāñ morid-e-ilzām hotā hai

hai mai-ḳhāna 'ġhubār' is meñ kisī ko haq nahīñ miltā

zabardastī uThā le jo usī kā jaam hotā hai

wo insan jo shikar-e-gardish-e-ayyam hota hai

bhala karta hai duniya ka magar badnam hota hai

jo dekho ghaur se har sher ek ilham hota hai

sabhi ashaar se zahir koi paigham hota hai

dahal jate hain dil kaliyon ke gulshan thartharaata hai

chaman mein jab koi tair asir-e-dam hota hai

KHirad hail hua karti hai jab bhi rah-e-ulfat mein

junun-e-ishq-e-sadiq muft mein badnam hota hai

jab aa jata hai ghaalib zor-e-baatil haq-paraston par

nizam-e-jabr se har-su bapa kohram hota hai

ye duniya hai ajab is mein bhala kya kya nahin hota

yahan masum insan morid-e-ilzam hota hai

hai mai-KHana 'ghubar' is mein kisi ko haq nahin milta

zabardasti uTha le jo usi ka jam hota hai