wo is liye bhi mere sath aa khaDa hua hai

vo is liye bhī mire saath aa khaḌā huā hai

ki maiñ ne us ke liye rāsta diyā huā hai

tamām log usī kī ḳhushī kā sochte haiñ

magar use to hamesha hī mas.ala huā hai

yaqīn kar ki maiñ ne jab bhī ḳhud meñ jhāñkā hai

hazār baar mirā us se sāmnā huā hai

mire darūñ bhī koī jang chal rahī hai idhar

aur ird-gird bhī ik mā'raka lagā huā hai

aur ek maiñ huuñ ki uktā ga.ī huuñ ḳhud se bhī

jise bhī dekho kisī kaam meñ lagā huā hai

ḳharīd rakkhā hai sab ko tumhārī āñkhoñ ne

miTā huā hai koī aur koī jhukā huā hai

vo apne āḳhirī hone pe hai ḳhafā mujh se

so merī pahlī mohabbat se bhī jalā huā hai

ai ham-safar tumheñ pahle batā rahī huuñ maiñ

mire nasīb meñ ik hādisa likhā huā hai

vagarna is meñ to merā koī kamāl nahīñ

ye panjtan ke tavassul se mo'jiza huā hai

wo is liye bhi mere sath aa khaDa hua hai

ki main ne us ke liye rasta diya hua hai

tamam log usi ki KHushi ka sochte hain

magar use to hamesha hi masala hua hai

yaqin kar ki main ne jab bhi KHud mein jhanka hai

hazar bar mera us se samna hua hai

mere darun bhi koi jang chal rahi hai idhar

aur ird-gird bhi ek ma'raka laga hua hai

aur ek main hun ki ukta gai hun KHud se bhi

jise bhi dekho kisi kaam mein laga hua hai

KHarid rakkha hai sab ko tumhaari aankhon ne

miTa hua hai koi aur koi jhuka hua hai

wo apne aaKHiri hone pe hai KHafa mujh se

so meri pahli mohabbat se bhi jala hua hai

ai ham-safar tumhein pahle bata rahi hun main

mere nasib mein ek hadisa likha hua hai

wagarna is mein to mera koi kamal nahin

ye panjtan ke tawassul se mo'jiza hua hai