wo ja chuka hai to kyun be-qarar itne ho

vo jā chukā hai to kyuuñ be-qarār itne ho

mohabbat us se karo jis ko bhuul sakte ho

nishān-e-manzil-e-jāñ gar nahīñ milā na sahī

chalo safar to kiyā hai kahīñ to pahuñche ho

tamām umr na milne kā hausla hī sahī

tum apne dil meñ koī aarzū to rakhte ho

safar bhī tum ne kiyā āftāb kī sūrat

abhī tak apne hī naqsh-e-qadam pe chalte ho

jo raushnī hai diloñ meñ atā tumhārī hai

charāg tum sā nahīñ tum charāg jaise ho

diloñ ke so.e hue ġham abhī to jaage haiñ

zarā sī der to baiTho abhī to aa.e ho

tumhāre lahje kā ye zer-o-bam qayāmat hai

kabhī rafīq kabhī nā-shanās lagte ho

ḳhudā sunā hai rag-e-jāñ ke paas rahtā hai

magar tum aur bhī nazdīk aate jaate ho

tamām din rahī saa.e kī justujū 'shahzād'

huī hai raat to āñkheñ talāsh karte ho

wo ja chuka hai to kyun be-qarar itne ho

mohabbat us se karo jis ko bhul sakte ho

nishan-e-manzil-e-jaan gar nahin mila na sahi

chalo safar to kiya hai kahin to pahunche ho

tamam umr na milne ka hausla hi sahi

tum apne dil mein koi aarzu to rakhte ho

safar bhi tum ne kiya aaftab ki surat

abhi tak apne hi naqsh-e-qadam pe chalte ho

jo raushni hai dilon mein ata tumhaari hai

charag tum sa nahin tum charag jaise ho

dilon ke soe hue gham abhi to jage hain

zara si der to baiTho abhi to aae ho

tumhaare lahje ka ye zer-o-bam qayamat hai

kabhi rafiq kabhi na-shanas lagte ho

KHuda suna hai rag-e-jaan ke pas rahta hai

magar tum aur bhi nazdik aate jate ho

tamam din rahi sae ki justuju 'shahzad'

hui hai raat to aankhen talash karte ho