wo jin ke chehre dhuan-dhuan the wo log shahr-e-jamal ke the

vo jin ke chehre dhuāñ-dhuāñ the vo log shahr-e-jamāl ke the

vo zard mausam ke rāz-dāñ the vo ruḳh pe bād-e-malāl ke the

aqīdatoñ kā ḳhirāj de kar malāmatoñ kī jo fasl kaaTī

vo uḌte pattoñ kī dāstāñ thī vo rishte ḳhvāb-o-ḳhayāl ke the

tumhārī āñkhoñ meñ niiñd sī thī mujhe bhī sahrā pukārte the

tumheñ bhī fursat na mil sakī thī mire bhī lamhe zavāl ke the

mohabbatoñ kī fasīl chun kar qayāmatoñ ke hisār khīñche

dayār-e-jānāñ meñ rahne vāloñ ke hausle bhī kamāl ke the

vafā-parastoñ kī bastiyoñ meñ jo tū ne dekhe the ḳhvāb chehre

vo apnī āñkhoñ ko DhūñDte the sabhī ke lahje savāl ke the

ba-vaqt-e-ruḳhsat jo phaile kājal tumhārī āñkhoñ ke āñganoñ meñ

vahī ḳhazīne the āgahī ke vahī to lamhe visāl ke the

ināyatoñ kī rivāyatoñ meñ qayāmatoñ kī shikāyateñ thiiñ

ajiib manzar thā har galī meñ fasāne tere jamāl ke the

tirī hī bāteñ tirā hī charchā hikāyatoñ meñ shikāyatoñ meñ

ga.e dinoñ meñ na.e dinoñ meñ fasāne tere jamāl ke the

wo jin ke chehre dhuan-dhuan the wo log shahr-e-jamal ke the

wo zard mausam ke raaz-dan the wo ruKH pe baad-e-malal ke the

aqidaton ka KHiraj de kar malamaton ki jo fasl kaTi

wo uDte patton ki dastan thi wo rishte KHwab-o-KHayal ke the

tumhaari aankhon mein nind si thi mujhe bhi sahra pukarte the

tumhein bhi fursat na mil saki thi mere bhi lamhe zawal ke the

mohabbaton ki fasil chun kar qayamaton ke hisar khinche

dayar-e-jaanan mein rahne walon ke hausle bhi kamal ke the

wafa-paraston ki bastiyon mein jo tu ne dekhe the KHwab chehre

wo apni aankhon ko DhunDte the sabhi ke lahje sawal ke the

ba-waqt-e-ruKHsat jo phaile kajal tumhaari aankhon ke aanganon mein

wahi KHazine the aagahi ke wahi to lamhe visal ke the

inayaton ki riwayaton mein qayamaton ki shikayaten thin

ajib manzar tha har gali mein fasane tere jamal ke the

teri hi baaten tera hi charcha hikayaton mein shikayaton mein

gae dinon mein nae dinon mein fasane tere jamal ke the