wo jo chahen hamara haal karen

vo jo chāheñ hamārā haal kareñ

aur ham 'ishq kā ḳhayāl kareñ

ham haiñ achchhe se deñ javāb un ko

vo bhī to soch kar savāl kareñ

aap bātoñ se haar jā.eñge

aap ashkoñ se kuchh kamāl kareñ

jo kabhī bhī nahīñ rahā ham meñ

kaise us 'ishq ko bahāl kareñ

terā ġham kyoñ kareñ ba-zāhir ham

sab ko dikhlā ke kyoñ malāl kareñ

ham ne to yūñhī kah diyā thā bas

aap jo chāheñ merā haal kareñ

wo jo chahen hamara haal karen

aur hum 'ishq ka KHayal karen

hum hain achchhe se den jawab un ko

wo bhi to soch kar sawal karen

aap baaton se haar jaenge

aap ashkon se kuchh kamal karen

jo kabhi bhi nahin raha hum mein

kaise us 'ishq ko bahaal karen

tera gham kyon karen ba-zahir hum

sab ko dikhla ke kyon malal karen

hum ne to yunhi kah diya tha bas

aap jo chahen mera haal karen