wo jo dekhe the maine kabhi KHwab mein

vo jo dekhe the maiñ ne kabhī ḳhvāb meñ

bah ga.e phuul saare vo sailāb meñ

nā-ḳhudā kī jo niyyat thī zāhir huī

jab bhī kashtī mirī aa.ī girdāb meñ

raaz ab tak kisī pe na ye khul sakā

mar ga.iiñ machhliyāñ kaise tālāb meñ

jitne bhī zaḳhm the ḳhud-ba-ḳhud bhar ga.e

jab se dekhā hai ik daaġh mahtāb meñ

ek muddat se ham un se kaT haiñ ga.e

tazkire phir bhī hote haiñ ahbāb meñ

apnī har baat 'robīna' had meñ rahī

band haiñ ham to aḳhlāq-o-ādāb meñ

wo jo dekhe the main ne kabhi KHwab mein

bah gae phul sare wo sailab mein

na-KHuda ki jo niyyat thi zahir hui

jab bhi kashti meri aai girdab mein

raaz ab tak kisi pe na ye khul saka

mar gain machhliyan kaise talab mein

jitne bhi zaKHm the KHud-ba-KHud bhar gae

jab se dekha hai ek dagh mahtab mein

ek muddat se hum un se kaT hain gae

tazkire phir bhi hote hain ahbab mein

apni har baat 'robina' had mein rahi

band hain hum to aKHlaq-o-adab mein